Осиё чемпионлари Тошкентда тантанали кутиб олинди
Уларга давлат мукофотлари ва Ўзбекистонда ишлаб чиқарилган автомобиллар топширилди.
Спорт
18 соат аввал
Тошкентда Осиё чемпионлари кутиб олинди.
21 апрел куни Тошкент халқаро аэропортининг учинчи терминалида Саудия Арабистонида футбол бўйича ўтган ўсмирлар ўртасидаги Осиё кубогида ғолибликни қўлга киритган Ўзбекистон U-17 терма жамоасини тантанали кутиб олиш маросими бўлиб ўтди.
Ўзбекистон Республикаси Президенти Шавкат Мирзиёевнинг Ўзбекистон терма жамоасига йўллаган табрикларини Бош вазир Абдулла Арипов ўқиб эшиттирди.
Шунингдек, тантанали маросим доирасида Президентнинг Фармонларига биноан ўсмирлар терма жамоаси футболчилари ва бош мураббийига Давлат мукофотлари ҳамда мамлакатимизда ишлаб чиқарилган автомобиллар топширилди.
