Ташқи меҳнат миграцияси агентлиги раҳбари ҳибсга олингани тасдиқланди

ОАВда Ташқи меҳнат миграция агентлиги раҳбари мансаб ваколатини суиистеъмол қилганлиги сабаб қамоққа олингани айтилганди.
Жамият
25 март 2023 йил
Ташқи меҳнат миграцияси агентлиги раҳбари ҳибсга олингани тасдиқланди

Ташқи меҳнат миграция агентлиги раҳбари Афзал Эрматов Жиноят кодексининг 205-моддасида (Ҳокимият ёки мансаб ваколатини суиистеъмол қилиш) назарда тутилган жиноятни содир этишда гумонланмоқда. У эҳтиёт чораси сифатида қамоққа олинган.

ОАВда маълумотлар тарқалгач, ташқи меҳнат миграцияси агентлиги ҳолатга муносабат билдирди.

"Мавжуд маълумотларга кўра, агентлик бошлиғи А.Эрматовга ҳуқуқни муҳофаза қилувчи идоралар томонидан Ўзбекистон Республикаси Жиноят Кодексининг тегишли моддалари бўйича айб эълон қилиниб, ҳибсга олинган.

Ҳозирда унинг хатти-ҳаракатлари юзасидан тергов ишлари олиб борилмоқда", - дейилади хабарда.

Эслатиб ўтамиз, Афзал Эрматов 2010 йилдан 2013 йилгача Ташқи меҳнат миграцияси агентлигида раҳбар бўлиб ишлаган. Кейинчалик 2022 йилнинг мартидан яна ушбу лавозимга қайтганди.

© 2023 Platina.uz. Барча ҳуқуқлар ҳимояланган. «Platina.uz» сайтида жойланган маълумотлар муаллифнинг шахсий фикри. Сайтда жойланган ҳар қандай материаллардан ёзма рухсатсиз фойдаланиш тақиқланади.
Ўзбекистон Республикаси Президенти Администрацияси ҳузуридаги Ахборот ва оммавий коммуникациялар агентлиги томонидан 02.12.2022 санасида №051412 сонли гувоҳнома билан ОАВ сифатида рўйхатга олинган.
Platina.uz сайтида реклама жойлаштириш масаласида +998 97 022 01 10 телефон рақамига (Telegram: Platina PR) мурожаат қилинг. Таҳририят билан алоқа: info@platina.uz
18+