Айрим заправкаларда метан нархи 4100 сўмгача ошди
Бензин ва газ маҳсулотларига акциз солиғи 10 фоизгача кўтарилган.
Ўзбекистондаги айрим заправкаларда метан газ нархи 4100 сўмгача ошди. Бу ҳақда Рақобат қўмитаси маълум қилди.
Нархлар ошиши 1 апрелдан кузатилган.
Рақобат қўмитаси томонидан Республиканинг ҳудудлари кесимида нархларнинг асоссиз оширилиши, рақобатга қарши келишувларнинг олдини олиш мақсадида мониторинг ишлари олиб борилган.
Ўзбекистон Республикасининг 2024 йил 24 декабрдаги “Солиқ ва бюджет сиёсатининг 2025 йилга мўлжалланган асосий йўналишлари қабул қилинганлиги муносабати билан Ўзбекистон Республикасининг айрим қонун ҳужжатларига қўшимча ва ўзгартиришлар киритиш тўғрисида” Қонунига асосан 1 апрелдан бошлаб акциз солиғи миқдорларига айрим ўзгартиришлар киритилди.
Унга кўра, бензин ва газ маҳсулотларига акциз солиғи 10 фоизгача ошган. Қўмита ннархларнинг асоссиз оширилиши юзасидан текширувлар ўтказмоқда.