“Baxti Tashkentskiy”ning Fargʻonadagi sherigi ushlandi

Fargʻonada “Baxti Tashkentskiy”ga yaqin jinoiy aloqasi boʻlgan D.X.X. ushlandi. Bu haqda viloyat IIB xabar berdi.

Xabarga koʻra, 1992 yilda tugʻilgan, muqaddam Jinoyat kodeksining 109-moddasi bilan sudlangan D.X.X. qoʻshni Qirgʻizistonga qochib oʻtmoqchi boʻlgan paytda "Doʻstlik" chegara postida qoʻlga olingan.

Unga nisbatan Fargʻona shahar IIO FMB tomonidan Jinoyat kodeksining 277-moddasi 3-qismi bilan jinoyat ishi qoʻzgʻatilib, JPKning 221-moddasi tartibida ushlangan.

Toshkentda "Salimboy" nomi bilan tanilgan Salim Abduvaliyev, “Sayidaziz medgorodok” va “Baxti Tashkentskiy” qoʻlga olingan edi. Shuningdek, "tozalash" ishlari Fargʻonada ham boshlab yuborilgan.

---

Mavzuga doir: “Qonundagi oʻgʻrilar”: xalq orasida ideallashib ketgan jinoyatchilar