Ўзбекистон ФИФА рейтингида кўтарилди
Европа чемпионати ва Америка кубоги янги рейтингга таъсир ўтказди.
Спорт
18 июль, 13:28
![Ўзбекистон ФИФА рейтингида кўтарилди](https://cp.platina.uz/media/CACHE/images/36129683_0_67_1280_787_1920x0_80_0_0_fea227bcac9e7c14487cb98efbfec4dc.02fc6f63806e.webp)
ФИФА терма жамоаларнинг янгиланган рейтингини эълон қилди. Унда Ўзбекистон термаси 1 поғона кўтарилиб, 61-ўринда қайд этилди.
Мазкур рейтингда яқинда якунланган Европа чемпионати ва Америка кубоги мусобақалари таъсири анча сезилган.
Хусусан, Америка чемпиони бўлган Аргентина 1-ўринни анча мустаҳкамлаган бўлса, Франция ҳамон 2-ўринда бормоқда. Европа чемпиони Испания эса катта сакраш билан кучли учликни тугатган.
Финалчи Англия термаси Бразилия термасидан ўзиб, 4-ўринга чиқиб олган. Шунингдек, Туркия ҳам 16 та ўринга кўтарилган ва 26-ўринга чиққан.