Mijozlaridan nohaq soliq undirgan MIB va soliqchilar fosh boʻldi

Pop tumani soliqchilari va majburiy ijro byurosi xodimlarining kirdirkorlari yuzaga chiqdi.

Jamiyat
14-mart, 15:05
Mijozlaridan nohaq soliq undirgan MIB va soliqchilar fosh boʻldi

Namangan viloyati Pop tumani soliq inspeksiyasi sobiq rahbariyati va xodimlari bir qator MChJ va AJlar bilan til biriktirib, mijozlardan noqonuniy soliqlar undirib yurgani fosh boʻldi.

Platina.uz saytida nusxasi mavjud sud hujjatiga koʻra, jami 7 kishiga turli darajada jinoiy jazolar tayinlangan. Xususan:

  • 2019-2022 yillarda Pop tuman soliq inspetsiyasi boshligʻi lavozimida ishlagan sudlanuvchi J.Butayev, Majburiy ijro byurosi Pop tumani boʻlimi hisobchisi I.Qovunboyev, Pop tuman soliq inspeksiyasi boshligʻi oʻrinbosari O.Taslimov, “Poppaxtatozalash” AJ bosh hisobchisi J.Azizxodjayev va boshqa shaxs bilan bir guruh boʻlib, oldindan til biriktirib, MIB Pop tumani boʻlimi davlat ijrochilari tomonidan ijro hujjatlari asosida xoʻjalik yurituvchi subʼektlardan soliq qarzdorliklari uchun undirilgan pul mablagʻlarini, goʻyoki ushbu pul mablagʻlari xoʻjalik yurituvchi subʼektlarga tegishli deb hisoblab, MIB tuman boʻlimi davlat ijrochilari tomonidan ijro hujjatlari asosida “Poppaxtatozalash” AJdan soliq qarzdorligi boʻyicha undirilgan pul mablagʻlarini jamiyatning soliq qarzdorligiga yoʻnaltirmasdan jamiyatning jami 328 964 220 soʻmni jamiyatda ishlamaydigan 1340 nafar fuqaroning mahalliy yer va mol-mulk soliqlaridan boʻlgan qarzdorliklari uchun oʻtkazib, bu naqd pullarni oʻzaro taqsimlab olib, oʻzlashtirish va rastrata qilish yoʻli bilan talon-toroj qilishgan.
  • J.T.Butayev oʻzining harakatlarini takroran davom ettirib, I.N.Qovunboyev va O.S.Taslimov bilan bir guruh boʻlib, oldindan til biriktirib, MIB tuman boʻlimi davlat ijrochilari tomonidan ish yurituvidagi ijro xujjatlari asosida 54 ta xoʻjalik yurituvchi subʼektlarda ishlamaydigan 289 nafar fuqarolarning mahalliy yer va mol-mulk soliqlaridan boʻlgan qarzdorliklari uchun oʻtkazib, fuqarolardan undirilgan 124 826 664 soʻm naqd pul mablagʻlarini jinoiy sheriklari oʻrtasida oʻzaro taqsimlab olib, rastrata qilish yoʻli bilan talon-toroj qilishgan.
  • J.T.Butayev oʻzining harakatlarini takroran davom ettirib, I.N.Qovunboyev, O.S.Taslimov va boshqa shaxs bilan bir guruh boʻlib, oldindan til biriktirib, MIB tuman boʻlimi davlat ijrochilari tomonidan ish yurituvidagi ijro xujjatlari asosida jami 229 804 213 soʻm naqd pul mablagʻlarini oʻzaro taqsimlab olib, talon-toroj qilishgan.
  • J.T.Butayev oʻzining harakatlarini davom ettirib, Pop tuman soliq inspeksiyasi xodimlari tomonidan 3 yil davomida toʻlov hujjatlari asosida 301 nafar fuqarodan mahalliy yer va mulk soligʻi uchun yigʻib olingan jami 109 810 300 soʻm naqd pul mablagʻlarini oʻz vaqtida bank kassasiga kirim qilinishi va fuqarolarning shaxsiy hisob varaqlariga kiritilishini nazorat qilmay, davlat manfaatlariga koʻp miqdorda zarar yetkazilishiga sababchi boʻlgan.
  • Pop tuman Soliq inspetsiyasi boshligʻining birinchi oʻrinbosari boʻlib ishlagan A.Sattorov 2020-2021 yillarda fuqarolardan undirilgan 443 758 751 soʻm naqd pul mablagʻlarini oʻzaro taqsimlab olib, talon-toroj qilishgan.
  • Pop tumani Soliq inspeksiyasi boshligʻining oʻrinbosari lavozimida ishlagan O.Taslimov 2018-2022 yillarda ishlamaydigan 1263 nafar fuqaroning mahalliy yer va mol-mulk soliqlaridan boʻlgan qarzdorliklari uchun oʻtkazib, fuqarolardan undirilgan 310 507 000 soʻm naqd pul mablagʻlarini oʻzaro taqsimlab olib, talon-toroj qilgan.
  • O.Taslimov oʻzining harakatlarini takroran davom ettirib, J.Butayev va I.Qovunboyev bilan bir guruh boʻlib, oldindan til biriktirib, ishlamaydigan 289 nafar fuqaroning mahalliy yer va mol-mulk soliqlaridan boʻlgan qarzdorliklari uchun oʻtkazib, fuqarolardan undirilgan 124 826 664 soʻm naqd pul mablagʻlarini jinoiy sheriklari oʻrtasida oʻzaro taqsimlab olib, talon-toroj qilishgan.
  • O.Taslimov oʻzining harakatlarini takroran davom ettirib, I.Qovunboyev, J.Butayev va boshqa shaxs bilan bir guruh boʻlib, oldindan til biriktirib, ishlamaydigan fuqarolardan undirilgan 227 594 213 soʻm naqd pul mablagʻlarini oʻzaro taqsimlab olib, talon-toroj qilishgan.
  • Majburiy ijro byurosining Pop tuman boʻlimida hisobchi lavozimida ishlagan I.Qovunboyev 2017-2023 yillarda ishlamaydigan 1633 nafar fuqaroning mahalliy yer va mol-mulk soliqlaridan boʻlgan qarzdorliklari uchun oʻtkazib, fuqarolardan undirilgan 401 328. 220 soʻm naqd pul mablagʻlarini oʻzaro taqsimlab olib, talon-toroj qilishgan.
  • I.Qovunboyev oʻzining harakatlarini takroran davom ettirib, J.Butayev, A.Sattorov va O.Taslimov bilan bir guruh boʻlib, oldindan til biriktirib, ishlamaydigan 304 nafar fuqarolarning mahalliy yer va mol-mulk soliqlaridan boʻlgan qarzdorliklari uchun oʻtkazib, fuqarolardan undirilgan 137 238 750 soʻm naqd pul mablagʻlarini jinoiy sheriklari oʻrtasida oʻzaro taqsimlab olib, talon-toroj qilishgan.
  • “Poppaxtatozalash” AJ bosh hisobchisi lavozimida ishlagan J.Azizxodjayev 2018 yilda Pop tumani soliq inspeksiyasiga taqdim etilgan soxta roʻyxatlar asosida ushbu mablagʻlarni 1633 nafar fuqaroning mahalliy yer va mol-mulk soliqlaridan boʻlgan qarzdorliklari uchun soʻndirishga erishib, fuqarolardan undirilgan 401 328 220 soʻm naqd pul mablagʻlarini oʻzaro taqsimlab olib, talon-toroj qilishgan.

Eslatib oʻtamiz, avvalroq "Oʻzsanoatqurilishbank" Chilonzor filialining sobiq boshqaruvchisining kirdikorlari haqida yozgandik.


Mavzuga doirEskicha ishlayotgan, tadbirkorlarni qiynayotgan Soliq qoʻmitasi, kambagʻal iqtisodiyot


Mavzuga doirSoliqlardan qochmaslikni aytadigan qoʻmita vakili intervyudan qochdi

 

© 2023 Platina.uz. Barcha huquqlar himoyalangan. «Platina.uz» saytida joylangan ma'lumotlar muallifning shaxsiy fikri. Saytda joylangan har qanday materiallardan yozma ruxsatsiz foydalanish ta'qiqlanadi.
O‘zbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligi tomonidan 02.12.2022 sanasida №051412 sonli guvohnoma bilan OAV sifatida roʻyxatga olingan.
Platina.uz saytida reklama joylashtirish masalasida +998 97 022 01 10 telefon raqamiga (Telegram: Platina PR) murojaat qiling. Tahririyat bilan aloqa: info@platina.uz
18+