“Toshshahartrans”ga yangi boshliq tayinlandi
Jamiyatning avvalgi rahbari Anvar Joʻrayev shu yil fevral oyida qamoqqa olingan edi.
Sanjar Sattorov “Toshshahartransxizmat” AJ boshqaruvi raisi vazifasini bajaruvchi etib tayinlandi.
Avvalgi rahbar Anvar Joʻrayev fevral oyida qamoqqa olingan, undank keyin yana bir necha masʼullar ishdan haydalgan edi.
Bungacha Sattorov Transport nazorati inspeksiyasi Avtomobil va suv transportida nazorat boshqarmasi boshligʻi oʻrinbosari lavozimida faoliyat yuritgan.
Shuningdek, Mirakbar Ikromov Toshkent shahar transport va yoʻl-transport infratuzilmasini rivojlantirish bosh boshqarmasi boshligʻi lavozimiga tayinlandi.