Putin isyonchi "vagnerchilar"ga taklif bilan chiqdi
Prezidentning aytishicha, "qoʻzgʻolon tashkilotchilari oʻz xalqiga xiyonat qildilar".
Kuni kecha Rossiya prezidenti Vladimir Putin murojaat bilan chiqdi va yana isyonchi "Vagner" aʼzolari haqida gapirdi.
Putinga koʻra, jamiyat va hokimiyat konstitutsiyaviy tuzumni qoʻllab-quvvatlashda yuqori birlik koʻrsatdi.
Prezidentning aytishicha, "qoʻzgʻolon tashkilotchilari oʻz xalqiga xiyonat qildilar".
Putin "Vagner" jangchilariga uchta variantni taklif qildi:
— mudofaa vazirligi saflarida xizmatni davom ettirish;
— uyga qaytish;
— Belarusga joʻnab ketish.
"Men bergan vaʼda bajariladi. Takror aytaman, tanlov har biringizning oʻz ixtiyoringizda, ammo bu oʻz fojiali xatosini tushungan rossiyalik askarlarning tanlovi boʻlishiga ishonaman”, — degan Putin.
Eslatib oʻtamiz, 24 iyun kuni Yevgeniy Prigojin boshchiligidagi "Vagner" guruhi Rostov shahrini egallagandi. Putin bu holatni orqadan pichoq urish deya atadi. Kechga borib, Prigojin Belarus prezidenti Lukashenko orqali muzokaralarga rozi boʻlgani xabar berildi.