Prigojin isyonining oxiri: jinoiy ish yopilgani eʼlon qilindi
Ayni paytda Yevgeniy Prigojinning qayerda ekani nomaʼlum, baʼzi manbalarga koʻra u Belarusga yoʻl olgan.
"Vagner" xususiy harbiy shirkati rahbari Prigojinga qarshi qurolli isyon ishi yopildi. Bu haqda Rossiya federal xavfsizlik xizmatiga asoslanib, mahalliy OAV xabar bermoqda.
Maxsus xizmatning taʼkidlashicha, ushbu ishni tergov qilish jarayonida uning ishtirokchilari jinoyatni sodir etishga qaratilgan harakatlarni toʻxtatgani aniqlangan.
Rossiya Mudofaa vazirligi "Vagner" kuchlaridan barcha ogʻir harbiy texnikalar davlatga qaytarilishi jarayoni boshlanishi haqida xabar bergan.
Ayni paytda Yevgeniy Prigojinning qayerda ekani nomaʼlum, baʼzi manbalarga koʻra u Belarusga yoʻl olgan.
Eslatib oʻtamiz, Prigojin 24 iyun kuni Moskvaga qurolli yurishini eʼlon qilgach, unga nisbatan jinoiy ish qoʻzgʻatilgandi. Hatto Belarus prezidenti Aleksandr Lukashenko yordamida kelishuvga erishilganda ham ish toʻxtatilmagandi.
Bundan avval Rossiya prezidenti Vladimir Putin "vagnerchilar"ga murojaat qilib, ular uch yoʻlni taklif qilgandi.