Gʻazo jurnalistlar uchun "jahannam"ga aylanmoqda
Umumiy qurbonlar soni esa 20 mingdan oshib ketgan.
Isroil va HAMAS harakati oʻrtasida urush boshlanganidan beri Gʻazo sektorida halok boʻlgan jurnalistlar soni 101 nafarga yetdi. Bu haqda Gʻazoning OAVga masʼul idorasi xabar bergan.
Dekabr oyi boshida Jurnalistlarni himoya qilish qoʻmitasi ularning sonini 63 nafar deb eʼlon qilgan edi.
Departament xabariga koʻra, Gʻazo sektoridagi janglarning 101-qurboni Falastin nashrlaridan birining vakili Ahmad al-Madxun boʻlgan. U anklavning shimoliy qismida joylashgan hududni oʻqqa tutishi natijasida halok boʻlgan.
Birgina 16 oktabr kuni Gʻazoda 11 jurnalist aviazarbalar oqibatida halok boʻlgan.
Gʻazo Sogʻliqni saqlash tashkiloti sektorda Isroil zarbalari oqibatida 20 ming oshiq inson halok boʻlganini aytmoqda.
Bir necha kun avval HAMAS Isroilning sulh boʻyicha taklifiga rad javobini bergani maʼlum boʻlgandi. Isroil HAMAS harakatiga oʻt ochishni toʻxtatish evaziga garovdagi qolgan ayollar va bolalarni ozod qilishni taklif qildi. HAMAS bu taklifni rad etdi va avval sulh oʻrnatishni, keyin esa garovga olinganlarni qaytarish jarayonini muhokama qilishni talab qilgan.