Shavkat Mirziyoyev Marokash podshohiga taʼziya bildirdi
Prezident vafot etganlarning oila aʼzolari va yaqinlariga hamdardlik bildirib, jabrlanganlar tez fursatda sogʻayib ketishini tilagani aytiladi.
Oʻzbekiston prezidenti Shavkat Mirziyoyev Marokash podshohi Muhammad VIga taʼziya maktubi yoʻlladi.
Maktubda Marokash hududida yuz bergan kuchli zilzila oqibatida koʻplab odamlar qurbon boʻlgani va jiddiy jarohat olgani, katta talafotlar koʻrilgani munosabati bilan hamdardlik bildirilgan.
Shavkat Mirziyoyev vafot etganlarning oila aʼzolari va yaqinlariga hamdardlik bildirib, jabrlanganlar tez fursatda sogʻayib ketishini tilagani aytiladi.
Eslatib oʻtamiz, Marokashda bugun 7.2 balli halokatli zilzila sodir boʻldi, qurbonlari soni esa ortib bormoqda.
