Kitobda dehqon bozori yonib ketdi
Eslatib oʻtamiz, soʻnggi vaqtlarda Oʻzbekistonda bozorlar yonishi holatlari koʻp uchramoqda.
Qashqadaryo viloyati, Kitob tumani markaziy dehqon bozori yonib ketdi. Voqea guvohlaridan birining aytishicha, hodisa 31 avgust tongida sodir boʻlgan.
Jumladan bozorning hoʻl va quruq mevalar sotiladigan qismi va bir nechta xoʻjalik mollari doʻkonlari yongan.
Qashqadaryo FVB hodisani tasdiqlab, rasmiy munosabat eʼlon qildi. Unda aytilishicha, yongʻinda 36 kv.m hudud yongan, oʻt oʻchiruvchilar harakati natijasida 2700 kv.metr hudud yongʻindan saqlab qolingan.
Eslatib oʻtamiz, soʻnggi vaqtlarda Oʻzbekistonda bozorlar yonishi holatlari koʻp uchramoqda. Jumladan, besh kun avval Andijon viloyati, Baliqchi tumani bozori yongandi. Shuningdek, Namangan, Xiva, Qoʻqon va Buxorodagi bozorlarda ham yirik yongʻinlar kuzatilgandi.