Yevrokuboklarning barcha finalida ingliz jamoalari oʻynaydi
Yevropa ligasi va Yevropa konferensiyalar ligasida ham finalchilar nomlari maʼlum boʻldi.
Kecha tunda Yevropa ligasi va Yevropa konferensiyalar ligasi yarim final uchrashuvlari yakuniga yetdi hamda finalga Angliya klublari yoʻl oldi.
Yevropa konferensiyalar ligasi, yarim finallar
Mazkur musobaqaning yarim final oʻyinlariga Angliya, Ispaniya, Fransiya va Ukraina klublari yetib kelgan edi. Ammo finalga ispan va ingliz jamoalari chiqdi.
- Rayo Valekano (Ispaniya) – Strasbur (Fransiya) - 1:0, 1:0
- Shaxtyor (Ukraina) – Kristal Pelas (Angliya) - 1:3, 1:2
Final oʻyini 27 may kuni Leypsigda boʻlib oʻtadi. Unda Kristal Pelas va Rayo Valekano maydonga tushadi.
Yevropa ligasi, yarim finallar
Mazkur musobaqaning bitta yarim finali ingliz derbisiga aylanib ketdi. Agar qurʼada boshqacharoq omad kelganida ushbu derbi finalga koʻchishi mumkin edi.
- Nottingem Forest (Angliya) – Aston Villa (Angliya) - 1:0, 0:4
- Braga (Portugaliya) – Frayburg (Germaniya) - 2:1, 1:3
Final oʻyini 20 may kuni Istanbul shahrida Frayburg va Aston Villa jamoalari oʻrtasida boʻlib oʻtadi.
Avvalroq Yevropa chempionlar ligasi finalchilari ham maʼlum boʻlgandi: Arsenal va PSJ.
