“Haj” ziyoratiga yuborish evaziga 18 ming dollar talab qilgan shaxs ushlandi
Holat yuzasidan Jinoyat kodeksining 168-moddasi (firibgarlik) bilan jinoyat ishi qoʻzgʻatildi.
Andijon viloyatida “Haj” ziyoratiga yuborishni vaʼda qilgan shaxs ushlandi.
Bosh prokuratura huzuridagi Departamentning Asaka tumani boʻlimi va boshqa huquqni muhofaza qiluvchi organ xodimlari hamkorligida tezkor tadbir oʻtkazilgan.
Unda fuqaro M.Ch. 18 000 AQSh dollar evaziga fuqarolar A.I. va B.X.ni “Haj” ziyorati uchun Saudiya Arabistoniga yuborishini aytib, kelishilgan puldan 9 000 AQSh dollarini olgan vaqtida ashyoviy dalillar bilan ushlangan.
Mazkur holat yuzasidan Jinoyat kodeksining 168-moddasi (firibgarlik) bilan jinoyat ishi qoʻzgʻatilib, tergov harakatlari oʻtkazilmoqda.
Avvalroq Samarqandda salkam yarim million dollarga yer sotmoqchi boʻlganlar aniqlangandi.
Gumonlanuvchilardan biri 50 ming dollarni olgan vaqtida ashyoviy dalillar bilan qoʻlga olingan.
