Bekmurod Abdullayev garov evaziga qoʻyib yuborildi

Ichki ishlar vaziri sobiq oʻrinbosari Bekmurod Abdullayev yetkazilgan 200 mlrd soʻmdan ortiq zararni naqd pul shaklda toʻlab berganidan soʻng qamoqqa olish ehtiyot chorasi garovga oʻzgartirilgan. Bu haqda Platina.uz manbasi tasdiqladi.

Jazoni ijro etish departamenti sobiq boshligʻi, Bekmurod Abdullayev bilan bir vaqtda ishdan olingan va tergovga jalb etilgan Rustam Tursunov hamon qamoqda qolayotgani aytilgan.

Eslatib oʻtish kerak, Bekmurod Abdullayev va Rustam Tursunov oʻtgan yil noyabrda ishdan olingan, tizimdagi davlat xaridlarida 186 milliard soʻm byudjet mablagʻini oʻzlashtirganlikda ayblanmoqda.