Messi jahon chempionatini oʻtkazib yuborishi mumkin
Messi chap sonidan jarohat olgan. Agar u mundialgacha jismoniy holatini yaxshilay olmasa, turnirni oʻtkazib yuboradi.
Argentinalik futbolchi Lionel Messi yaqinda olgan jarohatidan soʻng oʻzining jismoniy holatiga ishonchi komil boʻlmasa, 2026 yilgi Jahon chempionatini oʻtkazib yuborishi mumkin.
The Touchline nashrining xabar berishicha, Argentina va Inter Mayami hujumchisi Lionel Messi 2026 yilgi Jahon chempionatini oʻtkazib yuborishi mumkin.
38 yoshli argentinalikning qarori uning jismoniy holatiga bogʻliq boʻladi.
Agar Messi oʻzini 100 foiz jismoniy holatga ega emas deb hisoblasa, u oʻynamaydi. Xabarda aytilishicha, MLS darajasi yetarlicha yuqori yoki raqobatbardosh emas, shuning uchun u eng yaxshi formada boʻlishni xohlaydi.
Yaqinda Messi chap sonidan jarohat olgani haqida xabar berilgan edi.
Hozirda u asta-sekin jismoniy holatini tiklamoqda va mashgʻulotlarga qaytmoqda.
Avvalroq oʻzbekistonlik hujumchi Jaloliddin Masharipovning JChda qatnashishi soʻroq ostida qolgani aytilgandi.
