Yongʻin xavfsizligi talablari qoʻpol ravishda buzilgan obʼektlar vaqtincha yopiladi
Bu "Aviator" savdo markazida sodir boʻlgan yirik yongʻin kabi baxtsiz hodisalarning oldini olish uchun qoʻllaniladi.
Yongʻin xavfsizligi talablari qoʻpol ravishda buzilgan obʼektlar faoliyati toʻxtatiladi. Bu haqda FVV videobayonotida maʼlum qilindi.
Toshkent shahridagi "Aviator" savdo markazida sodir boʻlgan yirik yongʻin kabi baxtsiz hodisalarning oldini olish uchun respublika boʻylab ushbu toifadagi obʼektlarda yongʻin xavfsizligi qoidalariga rioya etilishi yuzasidan ishchi guruh tuzildi.
Oʻrganish va tekshiruvlar olib borilmoqda. Oʻrganishlar davomida yongʻin xavfsizligi talablarining qoʻpol ravishda buzilishi aniqlangan obʼektlar faoliyati kamchiliklar bartaraf etilgunga qadar vaqtincha toʻxtatiladi.
Eslatib oʻtamiz, 31 yanvar kuni "Aviator" savdo markazida sodir boʻldi. Oqibatda bir kishi vafot etdi. Hodisa sabab jinoyat ishi ochildi.