Shavkat Mirziyoyev va Aleksandr Stubb qoʻshma bayonot imzoladilar
Oʻzbekiston va Finlyandiya oʻrtasida savdo-iqtisodiy aloqalarni rivojlantirish, foydali qazilmalar va taʼlim borasida hujjatlar toʻplami imzolandi.
Toshkent shahrida boʻlib oʻtgan muzokaralar yakunida Oʻzbekiston Prezidenti Shavkat Mirziyoyev va Finlyandiya Respublikasi Prezidenti Aleksandr Stubb Qoʻshma bayonotni imzoladilar.
Yetakchilar huzurida turli yoʻnalishlarda, shu jumladan:
– savdo-iqtisodiy aloqalarni rivojlantirish;
– foydali qazilmalarni qazib olish sohasidagi hamkorlik;
– geologiya fanlari, geologik qidiruv, foydali qazilmalar va yer osti suvlarini izlash hamda konchilik sohalaridagi hamkorlik;
– raqamli transformatsiya, innovatsiyalar va raqamli oʻzaro bogʻliqlikni rivojlantirishga koʻmaklashish;
– ijtimoiy himoya sohasidagi hamkorlik;
– maktabgacha va maktab taʼlimi tizimiga raqamli taʼlim platformasini joriy etish boʻyicha hamkorlik;
– taʼlim, fan va innovatsiyalar sohalaridagi hamkorlik;
– raqamlashtirish va suv resurslarini boshqarish sohasidagi fan-taʼlim salohiyatini oshirish;
– iqlim oʻzgarishi va atrof-muhit muhofazasi borasidagi hamkorlikka oid ikki tomonlama hujjatlar toʻplamini imzolash marosimi boʻlib oʻtdi.
Avvalroq Shavkat Mirziyoyev va Aleksandr Stubb rasmiy delegatsiyalar ishtirokida muzokara oʻtkazgandi.