OFK Oʻzbekistonni 340 ming dollar jarimaga tortdi
Bu Oʻzbekiston-Qatar uchrashuvida futbolchilarni mukofotlash uchun BYD avtomobillarini maydonga olib kirilgani bilan bogʻliq.
Osiyo futbol konfederatsiyasi Oʻzbekiston futbol assotsiatsiyasini jarimaga tortdi.
Bu haqda OFK rasmiy saytida maʼlumot berilgan.
Bunga shu yilning 10 iyun kuni Oʻzbekiston-Qatar uchrashuvi tugashi bilan maydonga futbolchilarni mukofotlash uchun ajratilgan BYD avtomobillari olib kirilgani sabab boʻlgan.
OFK tartib-intizom qoʻmitasiga qaroriga koʻra, Oʻzbekiston futbol assotsiatsiyasi 340 ming AQSh dollari miqdorida jarimaga tortildi.
OFK mezbonlardan stadion hududida, maydon ichida va atrofida oʻz homiylari brendlaridan boshqa brendlar boʻlmasligini qatʼiy talab qiladi. Chunki, OFK JCh saralash oʻyinlari uchun har bir mezbon jamoaga pul toʻlaydi. Oʻzbekiston shu talabni bajarmagani uchun 340 ming dollar toʻlaydi, deyiladi xabarda.
Eslatib oʻtamiz, avvalroq Fabio Kannavaro Oʻzbekiston MTJ bosh murabbiyi boʻlgandi.