Yaponiya "AQSh bilan yaxshi munosabatlarni saqlab qolish uchun" Falastinni tan olmaydi
Rasmiy Tokio Falastinni tan olmagan kam sonli Osiyo davlatlaridan sanaladi. Janubiy Koreya ham shuning sirasiga kiradi.
Yaponiya Qoʻshma Shtatlar bilan yaxshi munosabatlarni saqlab qolish uchun hozircha Falastin davlatini tan olmaydi. Bu haqda Asahi gazetasi hukumat manbalariga asoslanib xabar berdi.
Gazetaning yozishicha, Yaponiya bosh vaziri Shigeru Ishiba ham BMTning Nyu-Yorkdagi Falastin masalasiga bagʻishlangan yigʻilishida 22 sentabrdagi yigʻilishni oʻtkazib yubormoqchi.
Yaponiya Falastinni tan olmagan kam sonli Osiyo davlatlaridan sanaladi. Shuningdek, Janubiy Koreya va Tailand kabi davlatlar ham bor.
Avvalroq, Buyuk Britaniya, Fransiya, Kanada va Avstraliya kabi bir qancha davlat hukumatlari shu oyda BMT Bosh Assambleyasida Falastin davlatini tan olishini eʼlon qilgan edi.
Isroilning eng yaqin ittifoqchisi boʻlgan Qoʻshma Shtatlar Falastin davlatini tan olish gʻoyasini rad etib keladi.
Avvalroq Yevropa Ittifoqi Isroil bilan muhim savdo kelishuvini toʻxtatishi mumkinligi xabar berilgandi.
Hozirda ushbu tashabbus muhokama jarayonida boʻlib turibdi. YeI Isroilning eng yirik savdo sherigi sanaladi, umumiy savdoning 32 foizi Yevropa hissasiga toʻgʻri keladi.