Shifokor: piyoda yurish yurak-qon tomir kasalliklari xavfini kamaytiradi
Kuniga oʻrtacha 8 ming qadam piyoda yurish foydali, undan koʻproq miqdor esa inson organizmiga biroz salbiy taʼsir qilishi mumkin.
Shifokor yurak-qon tomir kasalliklari xavfini kamaytirish yoʻllarini maʼlum qildi. Kuniga oʻrtacha 8 ming qadam piyoda yurish qon tomirlariga foydali taʼsir koʻrsatadi.
Rossiyalik shifokor Olga Ulankina, yurish paytida yurak faol qisqarishini aytdi. Qon tomirlarining tonusi kuchayadi, qon oqimi yaxshilanadi. Tadqiqot shuni koʻrsatdiki, har kuni 8 ming qadam yuradigan odamlarda yurak-qon tomir kasalliklari xavfi 45% ga kamayadi.
Shu bilan birga, shifokor ortiqcha yuklardan qochishni tavsiya qiladi. Uning aytishicha, 12 ming qadamdan keyin yurishning foydasi amalda koʻpaymaydi. Va 20 ming qadamdan ortiq yurishga harakat qilganda, kishilar boʻgʻimlari bilan bogʻliq muammolarga duch kelishlari mumkin.
40 yoshgacha boʻlgan odamlar uchun norma 7 dan 11 ming qadamgachani tashkil etadi. Yoshi ortgan sari qadamlar soni asta-sekin kamayishi kerak.
Yurish gipertenziyaning dastlabki bosqichlarida boʻlgan odamlar uchun foydalidir. 30-40 daqiqalik yurish qon bosimini kamaytiradi.
Yurishning boshqa foydalari
Boshqa bir tadqiqot shuni koʻrsatdiki, tez-tez piyoda yurish oʻlim xavfini kamaytiradi. Olimlar qariyb 80 000 kishining maʼlumotlarini tahlil qilishdi.
Kuniga atigi 15 daqiqa tez yurish oʻlim xavfini 19 foizga kamaytiradi.
Lekin shifokorlar kuchli jaziramada ochiq havoda koʻp harakatlanmaslikni tavsiya etadi.