Orden olgan Asaka hokimining audiosi tarqaldi
Nasibulla Moʻminovga tegishli ekani aytilgan ovoz egasi fuqaroni soʻkib, haqoratlagan.
Kecha Asaka tumani hokimi Nasibulla Moʻminov "Doʻstlik" ordeni bilan mukofotlandi. U prezidentga 2025 yil yakunigacha tumanda kambagʻallik va ishsizlikni qisqartirishga vaʼda bergandi.
Mukofot olishi va ushbu vaʼdasini berishdan bir kun oldin ijtimoiy tarmoqlarda Nasibulla Moʻminovga tegishli deb aytilgan audio tarqaldi. Audioda hokim bir fuqaroni soʻkib, haqoratlagani eshitilgan.
Hozirgacha mazkur holatga na viloyat hokimligi va na tuman hokimligi munosabat bergan.
Shu oʻrinda eslatib oʻtish kerak, ushbu hokim soʻnggi bir yil ichida 2 marta ogohlantirish olgan. Aholi murojaatlari bilan ishlashda sustkashlik qilgani uchun Xalq deputatlari viloyat kengashi unga 2024 yil iyul (hujjat yashirib qoʻyilgan) va 2025 yil mart oylarida rasmiy ogohlantirish bergan.