Davronbek Sattorov Paxtaobod tumani hokimi boʻldi
Ushbu lavozimga tayinlanguniga qadar Andijon viloyati hokimi oʻrinbosari sifatida ishlagan.
Sattorov Davronbek Xasanboyevich Paxtaobod tumani hokimi etib tayinlandi.
Davronbek Sattorov 1984 yilda Andijon viloyatining Paxtaobod tumanida tugʻilgan.
U 2005 y. Andijon davlat tillar pedagogika institutini (kunduzgi), 2020 y. Oʻzbekiston Respublikasi Davlat boshqaruvi akademiyasini (kunduzgi) tamomlagan.
Ushbu lavozimga tayinlanguniga qadar, Andijon viloyat hokimining turizm, madaniyat, madaniy meros va ommaviy kommunikatsiyalar masalalari boʻyicha oʻrinbosari vazifasida faoliyat olib borgan.
Paxtaobod tumaniga avval Shoyadbek Babayev rahbarlik qilayotgandi. Biroz avval Yakkabogʻda ham hokim almashgandi.