AQShning Suriya gʻarbidagi bazasi hujumga uchradi
Bu 22 iyundagi Eron yadroviy obʼektlariga zarbalar uchun javob boʻlishi ham mumkin.
Suriya gʻarbidagi Xasaka viloyatining Kasraq hududidagi Amerika harbiy bazasi hujumga uchradi, deya xabar bermoqda Al-Maaloma.
Iroq agentligi manbalariga koʻra, baza minomyotdan oʻqqa tutilgan. Kim oʻt ochgani haqida maʼlumot berilmagan.
Nashr manbalarining taʼkidlashicha, bu hujum "xalqning chet el bazalari mavjudligidan noroziligi kuchayishi" fonida sodir boʻlmoqda, chunki mahalliy aholi bazani "bosqin ramzi" deb biladi.
Shuningdek, Mehr agentligiga koʻra, bazaga Eron kuchlari hujum qilgan. Boshqa tafsilotlar keltirilmagan. Ushbu zarba AQShning 22 iyundagi Eron yadroviy obʼektlariga hujumlariga javob boʻlishi ham mumkin.
Eslatib oʻtamiz, AQSh hujumidan keyin Eron Isroilga yana zarbalar uyushtirdi. Keyinchalik mazkur toʻqnashuvlar boʻyicha BMT Xavfsizlik kengashining favqulodda yigʻilishi ham tashkil etildi.