Oltmishga yaqin oʻzbekistonlik Erondan evakuatsiya qilindi

Oʻzbekiston 60 ga yaqin fuqarosini Erondan evakuatsiya qildi.

Erondagi vaziyat bilan bogʻliq holatda, 60 ga yaqin oʻzbekistonlik fuqaro Turkmaniston orqali Vatanga qaytarildi.

Oʻzbekiston Tashqi ishlar vazirligining koʻrsatmalariga muvofiq, mamlakatning Tehron va Ashxoboddagi diplomatik vakolatxonalarda kechayu-kunduz ishlaydigan tezkor shtablar tuzildi.

Tezkor shtab Eronda boʻlib turgan Oʻzbekiston fuqarolarini Turkmaniston orqali Vataniga qaytarish boʻyicha kompleks chora-tadbirlar amalga oshirmoqda.

Oʻzbekistonning Tehrondagi elchixonasi vatandoshlarning xavfsiz harakatlanishini taʼminlash boʻyicha doimiy aloqa va muvofiqlashtiruv ishlarini olib boryapti.

Ashxoboddagi elchixonamiz esa Turkmaniston rasmiylari bilan hamkorlikda fuqarolarini chegarada kutib olish, viza va transport masalalarini hal etish hamda Vataniga qaytarish jarayonini samarali tashkil etmoqda.

Avval ham 30 dan oshiq vatandosh qaytarilgandi.