UPay toʻlov tizimi "HUMO"ga toʻliq integratsiya qilindi
Ayni paytda toʻlov operatsiyalarini amalga oshirish toʻliq tiklangan.
Raqobat qoʻmitasining oʻrganishlari natijasida, UPay toʻlov tizimining "HUMO"ga toʻliq integratsiya qilinishi taʼminlandi.
Raqobat qoʻmitasiga UPay toʻlov tizimi tomonidan “Milliy banklararo protsessing markazi” AJ tizimi bilan integratsiya qilishda amaliy yordam koʻrsatish boʻyicha murojaat qilingan.
Holat boʻyicha Qoʻmita tomonidan belgilangan tartibda oʻrganish ishlari olib borilib, “Milliy banklararo protsessing markazi” AJga rasmiy soʻrov yuborildi hamda murojaatda bayon etilgan masala ijobiy hal etildi.
Natijada, “Maroqand” AJning UPay toʻlov tizimi HUMO tizimiga muvaffaqiyatli integratsiya qilindi va ayni paytda toʻlov operatsiyalarini amalga oshirish toʻliq tiklangan.
Avvalroq Raqobat qoʻmitasi qurilish kompaniyasi sabab zarar koʻrgan mijozga yordam bergandi.