Sovet kosmik kemasi Hind okeaniga quladi
53 yil avval uchirilgan obʼektning Oʻzbekistonga qulash ehtimoli 0,3-0,5 foiz baholangandi.
1972 yilda uchirilgan sovet kosmik kemasi “Kosmos-482” Hind okeaniga quladi, deb xabar berdi “Roskosmos”.
Kosmik kemaning orbitadan tushishi Yerga yaqin fazodagi xavfli vaziyatlardan ogohlantirishning avtomatlashtirilgan tizimi tomonidan kuzatilgan.
“Kosmos-482” kosmik kemasi oʻz faoliyatini toʻxtatdi, orbitadan chiqib, Hind okeaniga quladi”, — deyiladi davlat korporatsiyasi xabarida.
U Oʻrta Andaman orolidan 560 km gʻarbda atmosferaning zich qatlamlariga kirib, Indoneziya poytaxti Jakarta gʻarbidagi okeanga qulagan. Koinot kemasi 1972 yilda Venerani tadqiq qilish uchun uchirilgan, biroq kuchaytirgichdagi nosozlik tufayli u Yer atrofida baland elliptik orbitada qolgan va asta-sekin sayyoraga yaqinlashgan.
53 yil avval uchirilgan obʼektning Oʻzbekistonga qulash ehtimoli 0,3-0,5 foiz baholangandi.