Oʻzbekiston Hindiston va Pokiston oʻrtasidagi keskinlik sabab xavotir bildirdi
TIV tomonlarni vaziyatning yanada yomonlashishini oldini olish uchun diplomatik muloqotga ustuvor ahamiyat berishga chaqirgan.
Oʻzbekiston TIV Hindiston va Pokiston oʻrtasidagi keskinlik yuzasidan bayonot berdi.
Oʻzbekiston tomoni Hindiston va Pokiston oʻrtasidagi keskinlashib borayotgan holatning rivojlanishini xavotir bilan kuzatib borayotganini eʼlon qildi.
Shuningdek, ikkala tomonni vazminlik koʻrsatishga, tinchlik va barqarorlik manfaatlari asosida harakat qilishga, vaziyatning yanada yomonlashishini oldini olish uchun diplomatik muloqotga ustuvor ahamiyat berishga chaqirgan.
”Oʻzbekiston vaziyatni deeskalatsiya qilish va tinch yoʻl bilan hal qilishga qaratilgan har qanday xalqaro yoki mintaqaviy harakatlarni qoʻllab-quvvatlashga tayyor”, – deyiladi TIV bayonotida.
Eslatib oʻtamiz, 7 mayga oʻtar kechasi Hindiston Pokistonga zarbalar berdi.