Qoʻqonda ichimlik suvi taʼminotini yaxshilash uchun bir necha mlrd soʻm ajratildi
Pul mahalliy byudjetning 2025 yil boshiga shakllangan erkin qoldiq mablagʻlari hisobidan beriladi.
Fargʻona viloyati hokimi Xayrulla Bozorov pul ajratish toʻgʻrisidagi qarorni imzoladi.
2025 yil 26 aprel kuni imzolangan qaror Qoʻqon shahridagi mahallalarda ichimlik suvi taʼminotini yaxshilashni koʻzda tutadi.
"Qoʻqon shahridagi 9 ta MFY hududidagi ichimlik va oqova suv taʼminoti tizimni yaxshilash ishlari uchun viloyat mahalliy byudjetining 2025 yil boshiga shakllangan erkin qoldiq mablagʻlari hisobidan 4,5 mlrd soʻm mablagʻ ajratilsin", deyiladi xabarda.
Mablagʻning ishlatilishi boʻyicha hisobotlar Xalq deputatlari Fargʻona viloyati komissiyasi tomonidan ishlab chiqiladi.
Qaror ijrosini nazorat qilish viloyat hokimi oʻrinbosari X.Dolimov zimmasiga yuklangan.
Avval Qashqadaryoda ichimlik suvi narxlari oshishi maʼlum boʻlgandi.