Shavkat Mirziyoyev Rim papasi vafoti sabab hamdardlik bildirdi
Prezident Rim-katolik cherkovi kamerlengosi kardinal Kevin Farrellga hamdardlik izhor etdi.
Oʻzbekiston Respublikasi Prezidenti Shavkat Mirziyoyev Rim Papasi Fransiskning vafoti munosabati bilan Rim-katolik cherkovi kamerlengosi kardinal Kevin Farrellga hamdardlik yoʻlladi.
Davlat rahbari oʻz maktubida Ruhoniy Hazratlari Oʻzbekiston va Vatikan oʻrtasidagi aloqalarni rivojlantirish, dinlar va konfessiyalararo doʻstlikni mustahkamlash, butun jahonda muhtoj insonlarni qoʻllab-quvvatlash, ezgu gʻoyalarni keng targʻib etish ishiga munosib hissa qoʻshganini taʼkidladi, deyiladi xabarda.
Prezident Vatikan xalqiga, yer yuzidagi butun katolik ahliga chuqur taʼziya va hamdardlik tuygʻularini izhor etdi.
Eslatib oʻtamiz, papa Fransisk 88 yoshida vafot etdi.