Shavkat Abdurazzoqov Yangiqoʻrgʻon tumaniga yana pul ajratdi
Ushbu tumanga mart oyi oxirida ham 5,7 mlrd soʻm berilgandi.
Namangan viloyati hokimi Shavkat Abdurazzoqov pul ajratish boʻyicha farmoyishni imzoladi.
Unga koʻra, viloyat hokimligi huzuridagi "Jismoniy va yuridik shaxslarga yetkazilgan mulkiy zararlarni kompensatsiya qilish boʻyicha maqsadli jamgʻarma" mablagʻlari hisobidan Yangiqoʻrgʻon tumani hokimligiga oʻn ikki milliard bir yuz qirq ikki million yetti ming soʻm ajratiladi.
Tuman hokimligi mablagʻlarni toʻgʻri va samarali sarflanishini taʼminlaydi. Farmoyish ijrosini nazorat qilish viloyat hokimi oʻrinbosari Gʻ. Jamalov zimmasiga yuklangan.
Eslatib oʻtamiz, Shavkat Abdurazzoqov avval ham Yangiqoʻrgʻon tumaniga bir necha marta pul ajratgandi. Jumladan, tumanga mart oyi oxirida 5,7 mlrd soʻm berilgandi.