Navoiydagi portlashda bir kishi halok boʻldi

Navoiydagi portlash sabab bir kishi halok boʻldi, 11 kishi jabrlandi.

11 mart kuni Navoiy viloyati, Navoiy shahar, Navoiy koʻchasida joylashgan “Navoiy azot” AJning 25-sexi laboratoriyasida gaz-havo aralashmasining chaqnashi hodisasi roʻy bergan. Chaqnash natijasida yongʻin kelib chiqqan.

Yongʻin-qutqaruv ekipajlari tomonidan hodisa qurshab olinib, batamom oʻchirildi.

Chaqnash oqibatida 1 nafar fuqaro halok boʻlgan va 11 nafar fuqaro tan-jarohati olgan. Hozirga jabrlanganlarga malakali tibbiy yordam koʻrsatilmoqda.

Hozirda holat yuzasidan tergovga qadar surishtiruv ishlari amalga oshirilmoqda.