Maqsud Boʻronov Nurobod tumani rahbari etib tayinlandi
U avval tijorat banklaridan birida boshqarma boshligʻi sifatida ishlagan.
Maqsud Boʻronov Nurobod tumani hokimi etib tayinlandi.
Xalq deputatlari Nurobod tumani Kengashining navbatdan tashqari sessiyasi boʻlib oʻtdi.
Sessiyada viloyat hokimi vazifasini bajaruvchi Adiz Boboyev soʻzga chiqib, erishilgan yutuqlar hamda yoʻl qoʻyilayotgan kamchilik va muammolar haqida gapirib oʻtgan.
Sessiyada tashkiliy masala koʻrildi. Boʻronov Maqsud Erkinovich Nurobod tumani hokimi etib tasdiqlandi. Tayinlovga qadar Boʻronov “Agrobank” aksiyadorlik tijorat bankining Samarqand viloyati boshqarmasi boshligʻi lavozimida faoliyat koʻrsatgan.
Nurobodga shu vaqtga qadar Sirojiddin Berdiqulov rahbarlik qilayotgandi.
Avvalroq Jomboy tumanida ham hokim almashgandi.