Toshkent shahar IIBB boshligʻiga birinchi oʻrinbosar tayinlandi
Farhod Hasanov bu lavozimga qachon qoʻyilgani aytilmagan, bu haqda rasman maʼlum qilinmagan.
Polkovnik Hasanov Farhod Fattaxovich Toshkent shahar ichki ishlar bosh boshqarmasi boshligʻining birinchi oʻrinbosari etib tayinlandi.
U bu lavozimga qachon qoʻyilgani aytilmagan, bu haqda rasman maʼlum qilinmagan. IIBB saytining rahbariyat boʻlimida paydo boʻlib qolgan.
F.Hasanov bunga qadar Qoʻqon shahar ichki ishlar organlari faoliyatini muvofiqlashtirish boshqarmasi boshligʻi lavozimida ishlagan.
U 2023 yil avgustidan buyon Toshkent shahar Ichki ishlar bosh boshqarmasi boshligʻining birinchi oʻrinbosari lavozimida ishlagan Doniyor Toshxoʻjayev oʻrnini egallagan. Toshxoʻjayev oʻtgan yili noyabrda ishdan olingandi.