Shavkat Mirziyoyev "Manchester Siti" xoʻjayini bilan uchrashdi
Ushbu klub yaqinda Abduqodir Husanovni 40 mln yevroga sotib olgan edi.
Shavkat Mirziyoyev bugun Abu-Dabi shahriga tashrifi doirasida Birlashgan Arab Amirliklari vitse-prezidenti Shayx Mansur Ol Nahayon bilan uchrashuv oʻtkazdi.
Shayx Mansur Angliyaning "Manchester Siti" jamoasi xoʻjayinlaridan biri boʻladi. Klub yaqinda Abduqodir Husanovni 40 mln yevroga sotib olgandi.
Uchrashuvda koʻp qirrali hamkorlik va ustuvor yoʻnalishlardagi amaliy sheriklikni yanada kengaytirishning dolzarb masalalari koʻrib chiqildi.
Uy-joy va transport infratuzilmasi, energetika, togʻ-kon sanoati, shaharsozlik, raqamlashtirish va boshqa sohalarni rivojlantirish boʻyicha kooperatsiya loyihalarini ilgari surish muhimligi qayd etildi.
Sunʼiy intellekt borasida, shu jumladan soha mutaxassislarini tayyorlash boʻyicha qoʻshma loyiha va dasturlarni amalga oshirish istiqbolli yoʻnalish sifatida belgilandi.
