Otabek Mahkamov Oliy taʼlim vaziriga oʻrinbosar boʻldi
Ushbu lavozimda ishlab kelgan Shahlo Turdiqulova Fanlar akademiyasiga ishga oʻtdi.
Otabek Mahkamov Oliy taʼlim, fan va innovatsiyalar vaziri oʻrinbosari etib tayinlandi.
Vazirlik xabariga koʻra, bugun Oliy taʼlim, fan va innovatsiyalar vazirligida Prezident Administratsiyasi Ijtimoiy rivojlanish departamenti rahbari Odil Abdurahmonov boshchiligida tashkiliy masalaga bagʻishlangan yigʻilish oʻtkazildi.
Unda Prezidentning tegishli qarori bilan tayinlangan ikki vazir oʻrinbosari jamoaga tanishtirilgan.
Otabek Mahkamovning vazifasida shu vaqtga qadar ishlab kelgan Shahlo Turdiqulova fanlar akademiyasining vitse-prezidenti lavozimiga tayinlandi.
Avval Shohruh Daliyev Oliy taʼlim, fan va innovatsiyalar vazirining birinchi oʻrinbosari lavozimiga tayinlangandi.