Qatar yana bir bor Osiyoda tengsiz boʻldi

Qatarda oʻtgan Osiyo chempionati finalida mezbonlar Iordaniya ustidan 3:1 hisobida gʻalaba qozonib, chempion boʻldi.

Arab derbisida Akram Afif uchala golni ham penaltidan kiritgan boʻlsa, Yazan an-Naimat bir gol bilan javob beroldi xolos.

Shu tariqa qatarliklar ikki marta ketma-ket qitʼa chempioni boʻldi.

Eslatib oʻtamiz, Oʻzbekiston milliy terma jamoasi chorak finalda aynan Qatarga alamli tarzda yutqazib qoʻygandi.

Osiyo kubogi-2023, final

Qatar - Iordaniya 3:1
Gollar: Afif 22, 73, 90+5 pen. - Naimat 67