Qashqadaryoda ham issiqlik taʼminoti narxlari oshiriladi
Aholi uchun 1 metr kvadrat hududni isitish narxi 1385 soʻm boʻladi (avvalgi narx 1204 soʻm).
Qashqadaryo viloyatida issiqlik taʼminoti narxlari oshirilmoqda. Bu haqda Xalq deputatlari viloyat kengashi qarori chiqdi. Qaror 2024 yil 2 dekabr kuni eʼlon qilingan.
Unga koʻra, "Issiqlik manbai" DUK tomonidan taklif etilgan yangi narxlar maʼqullandi.
Aholi uchun 1 metr kvadrat isitish narxi 1385 soʻm boʻladi (avvalgi narx 1204 soʻm).
Aholi uchun issiq suv taʼminoti 15 155 soʻmdan 17427 soʻmgacha oshadi. 1 Gkal issiqlik narxi 69575 soʻmdan 80 001 soʻmgacha koʻtariladi. 1 Gkal issiqlik uchun yagona ulgurji tarif oʻzgarmaydi (132 400 soʻm).
Mazkur qaror eʼlon qilingandan 15 kun oʻtib kuchga kiradi.
Eslatib oʻtamiz, avval Andijonda ham issiqlik taʼminoti narxlari oshirilgandi.