Janubiy Koreyadagi oʻzbeklar ogohlikka chaqirildi
Mamlakatdagi Oʻzbekiston elchixonasi zarurat uchun telefon raqamlarini qoldirgan.
Janubiy Koreyada yuzaga kelayotgan ichki siyosiy vaziyatdan kelib chiqqan holda, mamlakatdagi oʻzbeklar turli mitinglar va namoyishlarda ishtirok etmaslikka, odamlar gavjum joylarga bormaslikka chaqirildi.
"Oʻzingizning shaxsiy xavfsizligingiz va sogʻligingizni ehtiyot qilishga chaqirib qolamiz. Zarurat boʻlgan holatda quyidagi telefon raqamga murojaat qilishingiz soʻraladi: +82 10 3213 4505, +82 10 2909 4334", deyiladi xabarda.
Avvalroq Janubiy Koreyada harbiy holat eʼlon qilingandi. Bu soʻnggi 44 yil ichida birinchi marta sodir boʻlmoqda.
Ayni paytda Janubiy Koreya parlamenti harbiy holatni bekor qilish uchun ovoz berdi.