Buxoroda ichki yoʻllarni taʼmirlash uchun 1 mlrd soʻmdan ortiq pul ajratildi

Buxoro viloyati hokimi imzolagan farmoyish bilan turli ijtimoiy maqsadlar uchun jami 2,3 mlrd soʻm mablagʻ ajratiladi. Xususan:

• Shofirkon tumanidagi “Denov” MFY hududidagi ichki yoʻllarni taʼmirlash uchun 140 mln soʻm;
• Qorakoʻl tumanidagi “Yangi qalʼa” MFY hududidagi ichki yoʻllarni taʼmirlash uchun 60 mln soʻm;
• Gʻijduvon tumanidagi “Labiroʻt” MFY hududidagi ichki yoʻllarni taʼmirlash uchun 150 mln soʻm;
• Vobkent tumanidagi “Terakli” MFY hududidagi ichki yoʻllarni taʼmirlash uchun 31 mln soʻm;
• Vobkent tumanidagi “Guliston” MFY hududidagi ichki yoʻllarni taʼmirlash uchun 45 mln soʻm;
• Vobkent tumanidagi “Bozorjoyi” MFY hududidagi ichki yoʻllarni taʼmirlash uchun 70 mln soʻm;
• Buxoro shahrining yangi bosh reja loyihasini ishlab chiqish uchun 600 mln, jami 1,1 mlrd soʻm.

Shuningdek, bir qator ijtimoiy obʼektlarni taʼmirlash va obodonlashtirishga yana 1,1 mlrd ajratiladi:

• Buxoro shahridagi “Sayfiddin Boharziy” ziyoratgohi hududida “Islom tamadduni dargʻalari xiyoboni” tashkil etish uchun 500 mln soʻm;
• B.Naqshband majmuasi atrofini obodonlashtirish va tartibga keltirish uchun 150 mln soʻm;
• Kogon tumani hokimligining yangi maʼmuriy binosini jihozlash uchun 300 mln soʻm;
• Buxoro shahar "B.Naqdshband" MFY hududidagi 8-sonli maktabgacha taʼlim tashkiloti binosini rekonstruksiya qilish uchun 183 mln soʻm;
• Kogon tumanidagi madaniyat markazini jihozlash uchun 50 mln, jami 1,2 mlrd soʻm.

Eslatib oʻtamiz, avvalroq Izboskan tumanidagi ichki yoʻllar abgor holatda ekani haqida reportaj tayyorlagan edik.