Shavkat Umrzoqov shaxmat federatsiyasi Toshkent shahar boʻlimi raisi etib saylandi
Bundan tashqari boʻlim raisi oʻrinbosarlari, ijrochi direktori hamda kotibi ham saylandi.
Poytaxt hokimi Shavkat Umrzoqov Oʻzbekiston shaxmat federatsiyasi Toshkent shahar boʻlimi raisi etib saylandi.
Bugun Toshkent shahar sport boshqarmasi masʼullari, poytaxt sport maktablarining rahbarlari hamda shaxmat boʻyicha murabbiy-mutaxassislari ishtirokida yigʻilish boʻlib oʻtgan.
Yigʻilishda tashkiliy masala koʻrildi hamda hozirda Toshkent shahar hokimi sifatida faoliyat koʻrsatib kelayotgan Shavkat Umrzoqov Oʻzbekiston shaxmat federatsiyasi Toshkent shahar boʻlimi raisi etib saylandi.
Shu bilan birga Oʻzbekiston shaxmat federatsiyasi Toshkent shahar boʻlimi raisining oʻrinbosarlari, ijrochi direktori hamda kotibi saylandi.
Eslatib oʻtamiz, Umrzoqov iyul oyida deputat etib saylangandi.