Samarqand davlat arxitektura va qurilish institutida yongʻin sodir boʻldi
Institut hududida yangidan qurilayotgan (qurilishi tugallanmagan) faollar zalida yongʻin sodir boʻlgan.
1 oktabr kuni soat 23:45 da Samarqand shahar Lolazor koʻchasida joylashgan Samarqand Davlat Arxitektura-qurilish instituti hududida yangidan qurilayotgan (qurilishi tugallanmagan) faollar zalida yongʻin sodir boʻlgan. Bu haqda viloyat FVB xabar berdi.
Shunga koʻra, 6 ta yongʻin qutqaruv ekipajlari jalb qilinib, voqea joyiga soat 23:54 da yetib borib, soat 00:30 da yongʻin toʻliq bartaraf etilgan, deyiladi xabarda.
Yongʻin natijasida eski qurilish maxsulotlari yonib zararlangan.
Hodisa oqibatida jabrlangan va halok boʻlganlar yoʻq.
Hozirda tergovga qadar tekshirish ishlari olib borilib, yongʻinning kelib chiqish sababi aniqlanmoqda.
Eslatib oʻtamiz, bir necha kun avval Toshkent davlat agrar universitetida ham yongʻin yuz bergandi.
