"Musor"dan qarzdorlar uy yo mashina sotolmaydi
Qarzi boʻlsa, notarius shartnomani tasdiqlamaydi va qarz toʻlanmaguncha bu holat davom etadi.
2024 yil 1 apreldan boshlab koʻchmas mulk va mashina sotmoqchi boʻlganlarning maishiy chiqindidan qarzi bor-yoʻqligi tekshiriladi.
Qarzi boʻlsa, notarius shartnomani tasdiqlamaydi va qarz toʻlanmaguncha bu holat davom etadi. Qarzdorlik qattiq maishiy chiqindilarni toʻplash va olib chiqish xizmatlari uchun aholi tomonidan majburiy toʻlovlarni toʻlash va hisobini yuritishning yagona elektron tizimi orqali onlayn rejimda tekshiriladi.
Shuningdek, 2024 yil 1 apreldan boshlab barcha sanitar tozalash korxonalari tomonidan Yagona elektron tizimga ulangan holda fuqarolarga xizmat koʻrsatish hamda ushbu talabni bajarmagan korxonalar bilan tuzilgan shartnomalar bekor qilinadi va ular xizmat koʻrsatadigan hududlar davlat-xususiy sheriklik asosida boshqa korxonalarga biriktiriladi.
Eslatib oʻtamiz, avvalroq qattiq maishiy chiqindilar boʻyicha koʻrsatilgan xizmatlardan qarzi bor shaxs elektr energiyasi uchun pul toʻlolmasligi xabar berilgan.