Shavkat Mirziyoyev Pekinda rasmiy kutib olindi
Marosimdan soʻng oliy darajadagi muzokaralari boshlandi.
24 yanvar kuni Pekin shahri Tyananmen maydonidagi Xalq yigʻinlari uyida davlat tashrifi bilan Xitoyda boʻlib turgan Oʻzbekiston Prezidenti Shavkat Mirziyoyevni rasmiy kutib olish marosimi boʻldi.
Prezident sharafiga faxriy qorovul saf tortdi.
Xitoy Xalq Respublikasi Raisi Si Szinpin Oʻzbekiston Respublikasi Prezidenti Shavkat Mirziyoyevni kutib oldi.
Yetakchilar ikki mamlakat rasmiy delegatsiyalari aʼzolarini qutladilar.
Harbiy orkestr ijrosida Oʻzbekiston va Xitoy madhiyalari yangradi.
Faxriy qorovul boshligʻi Prezidentimizga raport berdi. Davlat rahbarlari faxriy qorovul safi oldidan oʻtdilar.
Marosimdan soʻng oliy darajadagi muzokaralari boshlandi.
Eslatib oʻtamiz, Oʻzbekiston prezidenti bugun Xitoy bosh vaziri va boshqa yirik amaldorlar bilan ham uchrashdi.
