Oʻzbekiston Rossiyaga: "Ichki ishlarga aralashmaslik tamoyili muhim"

Oʻzbekiston Tashqi ishlar vazirligi rahbari Baxtiyor Saidov Nyu-Yorkda Rossiya TIV rahbari Sergey Lavrov bilan uchrashdi.

Uchrashuvda, jumladan, strategik sheriklikning dolzarb mavzulari, shuningdek, boʻlajak oliy va yuqori darajadagi tadbirlarga tayyorgarlik koʻrish yuzasidan atroflicha suhbat oʻtkazilgan.

“Oʻzaro ishonchni mustahkamlash yoʻlida davlatlar bir-birlarining ichki ishlariga aralashmaslik tamoyiliga amal qilish muhimligi taʼkidlandi.
Biz ittifoqchilik ruhidagi doimiy muloqotimizni davom ettirishga kelishib oldik”, – deydi Saidov.

Eslatib oʻtamiz, Toshkent shahri Chilonzor tumani 188-maktabdagi vaziyat yuzasidan ayrim rossiyalik rasmiylar turli chiqishlar qilib kelayotgan va bu oʻzbekistonlik ijtimoiy faol fuqarolarning eʼtirozlariga sabab boʻldi.