“Tashabbusli byudjet”ning 2-mavsumi boshlandi

“Tashabbusli byudjet”ning 2024 yilgi 2-mavsumi doirasida ovoz berish bosqichi boshlandi. 

Ovoz berish jarayonlari 31 avgust soat 23:59 ga qadar davom etadi. Fuqarolar oʻzlariga qulay boʻlgan usullardan biri orqali, jumladan:

- "Ochiq byudjet" portalining rasmiy sahifasida; 

- portalning mobil ilovasi (Android va iOS);

- Telegram’dagi rasmiy bot yordamida ovoz berishi mumkin.

Ushbu mavsum uchun tuman va shahar byudjetlari hisobidan 2 trln soʻmdan ortiq mablagʻ yoʻnaltiriladi. 

Loyihalarning eng yuqori qiymati 1 trln 360 mln soʻmni tashkil etadi.

Eslatib oʻtamiz, "Tashabbusli byudjet" jarayonining birinchi mavsumi gʻoliblari aprel oyida eʼlon qilingandi. 

Unga koʻra, respublika boʻylab 2 254 ta mahalla boʻyicha jami 2 770 ta loyiha gʻolib deb topildi.

 Ushbu loyihalarni moliyalashtirish uchun 3,3 trln. soʻm yoʻnaltirilgan.