Hasanboy Doʻsmatov ham oltin medalga sazovor boʻldi
U ikki karra Olimpiya oʻyinlari chempioni sharafiga muyassar boʻlgan ilk oʻzbek bokschisiga aylandi.
Boks boʻyicha Oʻzbekiston terma jamoasi aʼzosi Hasanboy Doʻsmatov (-51 kg) ikki karra Olimpiya oʻyinlari chempioni sharafiga muyassar boʻlgan ilk oʻzbek bokschisiga aylandi.
Doʻsmatov chempionlik jangida mezbon bokschi Bilal Bennamani magʻlub etib, delegatsiyaga Parij-2024 yozgi Olimpiya oʻyinlarining oltin medalini taqdim etdi.
Bu Oʻzbekiston delegatsiyasi uchun 3-oltin medal sanaladi.
Avvalroq Ulugʻbek Rashitov oltin medalni qoʻlga kiritgandi.