Niger hukumati ham Ukraina bilan diplomatik aloqalarni uzdi
Bunga rasmiy Kiyevning "terrorchi guruhlarni qoʻllab-quvvatlayotgani" sabab qilib koʻrsatilmoqda.
Nigerda hokimiyatni qoʻlga kiritgan harbiy hukumat Ukraina bilan diplomatik munosabatlarni uzganini eʼlon qildi.
Niger hukumati bunga Kiyevning "terrorchi guruhlarni qoʻllab-quvvatlayotganini" sabab qilib koʻrsatmoqda. Qaror darhol kuchga kiradi, deb xabar beradi AFP.
Niger harbiy xuntasi bu qarorni iyul oyining oxiridagi Malidagi voqealardan soʻng qabul qildi, ushbu davlat ham Rossiya bilan ittifoqqa kirgan harbiy rejim tomonidan boshqariladi.
Eslatib oʻtamiz, 2023 yil iyulidan Nigerda harbiy toʻntarish yuz bergandi, prezident Muhammad Bazum hokimiyatdan chetlatilgandi.
Ikki kun oldin Mali ham Ukraina bilan aloqalarini uzgandi. Ukraina tomoni qoʻzgʻolonchi tuareg qabilalariga razvedka maʼlumotini uzatishda ayblandi. Tuareglarning hujumi sabab Mali koʻplab askarlar yoʻqotdi, jumladan yollanma "Vagner" harbiy shirkati jangchilari ham qurbonlar bergan.
Niger hukumatining BMTdagi soʻzlovchisi Amadu Abdurahmonning Ukraina tomonidan "tajovuz" haqida gapirganidan soʻng, BMT Xavfsizlik Kengashi yigʻilishini oʻtkazishni talab qilmoqda.
