Raqobat qoʻmitasi Lukoylga asossiz olingan mablagʻlarni qaytarish majburiyatini qoʻydi
Kompaniyaga yana bunday holatga yoʻl qoʻymaslik yuzasidan koʻrsatma berildi.
Raqobat qoʻmitasi Lukoylga narx manipulyatsiyasi boʻyicha olingan pullarni qaytarish majburiyatini qoʻydi.
Raqobatni rivojlantirish va isteʼmolchilar huquqlarini himoya qilish qoʻmitasi tomonidan “Lukoil Overseas Supply and Trading Ltd” kompaniyasiga nisbatan narx manipulyatsiyasi alomatlari bilan ish qoʻzgʻatilgandi.
Mazkur ish yuzasidan oʻrganish ishlari olib borilayotganligi boʻyicha maʼlum qilgan edi.
Ushbu ish yuzasidan Qoʻmitaning Maxsus komissiyasi “Lukoil Overseas Supply and Trading Ltd” kompaniyasiga “Raqobat toʻgʻrisida”gi Qonuni hamda Vazirlar Mahkamasining 2020 yil 18 martdagi 170-sonli Qarori bilan tasdiqlangan "Birja savdolarida yuqori likvidli va (yoki) monopol turdagi mahsulotlarni sotish tartibi toʻgʻrisida"gi Nizomi talablarining buzilishiga yoʻl qoʻyilganligi natijasida asossiz olingan mablagʻni qaytarish boʻyicha qaror qabul qilindi.
Shuningdek, qonunbuzilishlarni bartaraf etish va keyinchalik yoʻl qoʻymaslik yuzasidan bajarilishi majburiy boʻlgan koʻrsatma berildi.
Maʼlumot oʻrnida, Maxsus komissiyaning ushbu qaroridan norozi boʻlgan tomon Qoʻmitaning Apellyatsiya kengashiga yoki sudga murojaat qilish huquqiga ega.
