Toshkent viloyatida ishchi va tarbiyachi baxtsiz hodisa qurboni boʻldi
Toshkent tumanidagi qurilishda ishchi 10-qavatdan yiqilib vafot etgan.
Toshkent va Quyichirchiq tumanida ikki kishi baxtsiz hodisa oqibatida halok boʻldi.
Bu haqda Kambagʻallikka qarshi kurashish boshqarmasi buyruqlarida maʼlum qilingan.
Jumladan, shu yilning 15 yanvarida Toshkent tumanida davom etayotgan qurilishda K.B. 10-qavatdan yiqilib tushish oqibatida vafot etgan.
Quyichirchiq tumanida tashkilot tarbiyachi yordamchisi X.Z (ayol kishi) transformatorni suratga olish jarayonida tok urishi sabab olamdan oʻtgan.
Buyruqlarga koʻra, har ikkala hodisa yuzasidan maxsus komissich tuzilib, tekshiruv ishlari olib borilmoqda. Tekshiruv natijalari yuzasidan maʼlumotlar tegishli joylarga taqdim etiladi.
Avvalroq Toshkent viloyatida chilangar va qorovul ham baxtsiz hodisa sabab vafot etgandi.